قصص نسوان خليجيات مساكين ودهم يدلعون ريايلهم

السلاااامـ عليكمــ

موضوع حلوووو وصلني من مواقف بعض السيدااات مع ازواااجهم..

طبعاًِ مثل منتوا عارفين أن الريااال الخليجي بشكل عااام اذا ما تتطنز يمرض..

اقروا هالمواقف وضحكوا كثر ما تبووون..

الموقف الاول:

سيده تقول: تعرفون اغنيه (آدم) اللي اسمها كيفك انت..!!شفتو بالفيديو كليب البنت لما كان نايم هي تقعد تناقز بالفراش عشان تقعده، والذرب بكل رومانسيه فتح عيونه والابتسامه شاقه الحلج.
تقول : انا حبيت اني اسوي نفس الحركه مع زوجي يوم كان نايم..
وطبعاً كشخت وقعدت اناقز بالفراش جني هبلى..
توقعووون لما فتح عيونه زوجي شقال !!!!!!!!!!!!
انثبري لا اصفق ويهج بالأباجــــــــــــــــــورة..

هههههههههههههههههه بل عليه حمش..

الموقف الثاني:
سيده تقول: مرة كنت حاطة كحل ابيض على عيوني جان يقولي انتي ما تغسلين ويهج من الصبح ليش هالغمص بعيونج ابذمتكم مووووووووو احباااااااااااط ..
من قلب المسكينه احباااااااااط..

الموقف الثالث:
سيده تقول:مره كنت شاريه كريم حق الايدين على ريحه ليمون يبيض و ينعم
عاد ذاك اليوم حاطته بالليل ودشيت فراشي ,,, ماشوف الا هاللي يشمشم شفيك شصاير
الا يقول ماجني داش غرفة نوم جني داش سوق الجبره.. <<<< مافي ذوووق

الموقف الرابع:
سيده تقول:مره قعدت من النوم مبجر وقلت خل اقعدة من النوم بنعومة
قمت وهمست باذنه 'احبك'! تدروووووووون وش رد على ؟؟
قالي: حبيني بعدين... بنام الحين...<<< كله يفهمون غلــط

الموقف الخامس:
سيدة تقول:ريلي كله يفشلني لما نروح محل ألعاب او مكان فيه العاب حق اليهال واقوله خل ناخذ هذي اللعبة حلوه عشان ولدنا يتعلم جذي وجذي .. يقولي قدام اللي يبيع او اللي تبيع: خلصيني قولي انج تبين تلعبين فيها <<<هههههههههههههههه

الموقف السادس:
سيده تقول: كنت مسويه جو رومانسي حق ريلي ابي ادلعه شوي.. حطت له شموع بالغرفه..
و لمن دش سولي حركة البوذه .. يقولها داشين معبد بوذه مو غرفه<<<< شفتوااا الدفااااشه

الموقف السابع:
سيده تقول:ريلي وايد يعلق كله تعليقات احباط، كنت مرة مزينه الغرفه بالشموع وموسيقى هاديه دش الغرفه الا يقول بسم الله الرحمن الرحيم شنو بتحضظرين ارواح<<<< احبااااااااااااااااااط

الموقف الثامن:
سيدة تقول:كنت صابغه شعري بليج وكانت اول مره اصبغه، وريلي ما يحب الالوان الفاتحه يحب الشعر الغامج..
وعاد طالعه من الاربعين وكاشخه وضعفانه والكل يقول لي جنج باربيه،
الحين انا خايفه من ردة فعل ريلي
واول ماشاف شعري والا يقول: ووع شنو هذا جنه بلاليط !!
امبيه!!! كان ودي اروح لاي صالون اغير الون مع اني صابغته بشيء وشويات
قلت لازم احلل فلوسه ومامر ثلاث اشهر الا وغيرت اللون..

الموقف التاسع:
سيدة تقول: مرة شريت بيجامه من لاسنزا ولبستهاا الا قالي ريلي :- خبازنا مضيع سرواله اليوم أثاريه عندك ..<<<هههههههههههههههه

الموقف العاشر:
سيدة تقول:مره كنت لابسه شورت ولونه أزرق وفيه خط أبيض تقول لمن شافني ريلي قالي:
أيوه أيوه العنبري ..يعطيها لجاسم يعقوب وقوووووووووووووووووووووووووووووووووول
ههههههههههههههههههه

الموقف الحادي عشر:
سيدة تقول:كنت لابسه تايقر ... تقول لمن شافني زوجي فجأه نقز على السرير وتلحف بالكفر قال نمر بالدار لحقوووووووووووووووووووووني <<<< ههههههههههههه عبيط

هذه بعض المواقف المضحكه والتعليقااات بين الازواااج..
وبعدين يقولون ليش الخليجية ما تدلع وتدعدل مثل البنانية!
عااااد ما يصلح دلع لبنانية والعيون والتعليقات خليجية...صح يا بناااات

هههههههههههههههههههههههه

................مواقف حلوه بجد مع انوا في كم كلمه ما فهمتااااا

ايه وآلله انك صآآدق في كل كلمهـ قلتهآآ .. شباب الخليج مآآ ينعطون ويهـ فيهم دفآآآشه << بتنشدخ اليومـ
زين يعني يآآ فآرس عدلت بين الشباب و البنات .. نزلت موضوع حكيت فيه البنات و موضوع حكيت فيهـ الشبآب .. خخخخ ..

.. يسلموو خيوو ..

ههههههههههههههه هاي سوالف الخليجيين . تصلح لكم وحده 24 ساعه ريحتها طباخ وبجلابيتها تتمشى خخخ هاي اللي تبونه < اعصابج

المهم موضوع يهبببل وتمنيته مايخلص

تحيااتي

هههههههههههههههه اي والله الخليجين مايحتاج لهم دلع

يبيلهم وحده كله ريحتها طباخ صدقتي لولو

يعطيك العافيه اخوي ع الموضوع