شرايكم؟؟

موضوع: شرايكم؟؟ الثلاثاء يوليو 15, 2008 6:09 pm

السلام عليكم

حبيت اناقشكم ف موضوع وماحصلت له مكان مناسب وقلت انزله اهني

كثيراً ما نسمع بمثل تلك العلاقات بين الشباب والفتيات

عن طريق الهاتف..........

فالبعض يحادث من أجل التسلية وتضييع الوقت........ وما إن يتزوج أوحتى يخطب يترك من كان يحادثها بحجة ( من تكلمني تكلم غيري)!!

وبعضهم يحب بصدق ولا ينوي الإنقطاع وينتهي الأمر بالزواج

بحجة (انه يثق بها ومادام تحبه لايمكن تخونه)!!

والبعض الآخر حقير لا يهمه سوى قضاء وقت مع هذه الفتاة

ثم يتركها ذليلة تندب حظها العاثر ..... وقد تحمل منه سفاحاً والعياذ بالله!

وتضاربت الآراء حول هذا السؤال

هل تتزوج من تحادثها بالهاتف؟؟؟؟؟؟؟؟
وأنتِ هل تتزوجيه؟؟؟

موضوع: رد: شرايكم؟؟ الثلاثاء يوليو 15, 2008 7:27 pm

موضوع رائع اختي مس لونلي وانشاء الله الرد يكون من عند البنات

الصرااحه انا اقول ليش البنت تكلم الشاب خلها بكرامتها احسن

لان هالزمان مالها امان <<<عاش اصاله :&:

موضوع: رد: شرايكم؟؟ الأربعاء يوليو 16, 2008 7:27 am

.. إممم سؤالج حلوو ..

.. أما انا بالنسبه لي :lp:

.. ليش لا إذا كان يحبني , بس يمكن بعد ما نتزوج تكون نسبة شكه أكثر بوآآيد من اللي بتزوجه بالزوآج التقليدي .. وهالشي أكيد بيأثر وآآيد على حيآآتنآآ

.. هذا اللي عندي .. ويعطيجـ العآآفيه

موضوع: رد: شرايكم؟؟ الأربعاء يوليو 16, 2008 11:00 am

خلهم ينفعونك...اول شي مشكور ع مرورك بعدين هو الي ليش يكلمها من الاول مب اهي البنت كلمه كلمتين انقص عليها

لولو
يعطيج العافيه على المرور

بس مب شرط يكون يشك وايد اذا هو كان واثق فيج من البدايه ماراح يشك

انا عن نفسي
عادي دام علاقتنا من البدايه اانبنت على ثقه اوكي لاكن يجي هو ومكلم 1000 غيري ويبيني اخذه مافي امل ث1

موضوع: رد: شرايكم؟؟ الأربعاء يوليو 16, 2008 3:40 pm

ادا اتزوجوا بعد الزوااج ادا حصل شيء لاسمح الله
حيشك في زوجته ايش ضمنه انها ماتكلم وااحد
ومشكوورة الموضوع مررة حلو

موضوع: رد: شرايكم؟؟ الخميس يوليو 17, 2008 6:36 am

اسعدني مرورج ومشاركتج

موضوع: رد: شرايكم؟؟ الخميس يوليو 17, 2008 8:00 am

مس لونلي .. اذا حبيته وادري انه هو ثقه وهو واثق فيني وخلاص وعلاقاتنا

محترمه .. وقمة الاحتراام اكيد بتزوجه اما مثل ماقلتي يلعب وحقير فياكل تبن

احسن بس والله كثير علاقات نجحت لانها انبنت على احتراام وموده وماكان في خرابيط

ينطيج العااااافيه

موضوع: رد: شرايكم؟؟ الخميس يوليو 17, 2008 8:20 am

يعطيج العافيه ع المرور والمشاركه

موضوع: رد: شرايكم؟؟ الخميس يوليو 17, 2008 8:28 pm

انا الصراحه يعني مادري.. بس الشباب هالايام مالهم امان..
وهاي اللي اقدر اقوله
تسلمين حبووبه عالموضوع

موضوع: رد: شرايكم؟؟ الأحد يوليو 20, 2008 6:37 pm

هو عن مالهم امان مالهم امان بس هم حظوظ

عالعمووم كنت حابه اعرف فكرتج ع الموضوع

يعطيج العافيه ع المرور

موضوع: رد: شرايكم؟؟ الإثنين يوليو 21, 2008 6:30 am

الصررراحه محد طق البنت على يدها وقالها كلمي الريال
واذا كان هالريال يبي يتزوجها فأنا اشوف ان مافيها شي
اغلب الناس الحين يتزوجون بهالطريقه وانا اعرف بنات وايد تزوجوا بهالطريقه
وعايشيين مع ازواجهم بسعاده
يعني فكرة ان الريال بياخذ عن زوجته فكره لانها تعرفت عليه عن طريق التليفون<<<كلام قديم

موضوع: رد: شرايكم؟؟ الثلاثاء يوليو 22, 2008 7:28 am

انا مابرد اخوي فالمنتدى هع هع >>هههههه مزحه

لا لا جد تعرفون وين المشكلة ؟ ان قلوا الرجاجيل بالهزمن وصعب الوحده تثق بشخص بس انا اقول لو ان الوحده لقت الشخص المثالي اللي شاريها مافي مانع انها تاخذه واللي تعرفة احسن مان للي ماتعرفة والله صرنا بزمن الزوج مايوفي لزوجته ويطنشها فاذا الوحده لقت الاهتمام ليش لأ بس انشالله ربي يرزقكم بولد الحلال اللي يغنيكم عن انج تعرفين واحد ولاعشرة ويخليج ملكة قولوا امين يابنات المنتدى
تسلمين على هالطرح وترى كلامي ماخلص لي رجعة ويمكن يكون براي اخر بعد تفكير عميق لان هالمسأله مب سهلة وممكن يضيعون فيها بنات

تحياتي:كثير اللي يخون الود

موضوع: رد: شرايكم؟؟ الثلاثاء يوليو 22, 2008 10:27 am

سو سويت اسعدتني مشاركتج

هو صحيح وايد ناس عايشين بسعاده
وانشاءالله دوم

بس هاي انتي وانا وممكن كل البنات نقول كلام قديم

لاكن عند الشباب كلام يديد

وانا اتمنى اني اشوف راي الشباب بالهموضوع

موضوع: رد: شرايكم؟؟ الثلاثاء يوليو 22, 2008 10:31 am

اميــــــــــــن انشاءالله cheers

كثير الي يخون الود

انا راي من رايج انه قلوا الرجاجيل

واسعدتني مشاركتج

حياج ف اي وقت

موضوع: رد: شرايكم؟؟ الأحد أغسطس 10, 2008 7:13 am

تسلمين ع الموضوع

ولي رجعه ان شاء الله

موضوع: رد: شرايكم؟؟ الإثنين أغسطس 11, 2008 1:58 am

الله يسلمج

وانتظر عودتج

موضوع: رد: شرايكم؟؟ الإثنين أغسطس 11, 2008 9:46 am

الشباب تقدروون تحكموون عليهم من كلامهم

في شباب والله نيتهم سليمه واذا كلمج يكلمج بكامل احترامه ويعتبرج مثل اخته اما في شباب اغلب كلامهم في اموو ر سخيفه او يعطوونج كلام مايدخل براس الغبيه اهي الي بتصدقه وانا الصراحه اووافق ع انه اتعرف ع شريك حياتي واعرف اخلاقه طبايعه احس احسن من الزوواج التقليدي

ويسلموو ع المووضووع
اختكم

tomee

موضوع: رد: شرايكم؟؟ الإثنين أغسطس 11, 2008 2:04 pm

الموضوع كله من الاساس غلط مو لازم بنت تحاجي صبي الا اذا كانت بينهم علاقه رسيمه

يعطيج العافيه مس لونلي

موضوع: رد: شرايكم؟؟ الإثنين أغسطس 11, 2008 2:27 pm

تومي

صح كلامج تومي وانا الصراحه مااوافق ع الزواج التقليدي انه تعال مني والطريق مااعرفه تعالي وتزوجيه يمكن مااناسب حق بعض ومب شرط تكون البنت تعرفه من زمان ع الاقل اذا هو شاريها يحاول يخليها تفهمه

وشكرا ع تواجدج ف هالموضوع

موضوع: رد: شرايكم؟؟ الإثنين أغسطس 11, 2008 2:29 pm

ثنكس الزعيم ع تواجدك ف الموضوع

وضح شلون علاقه رسميه يعني اصلا حتى هاي غلط

الموضوع ملخبط له جانب اوكي وجانب مب اوكي

ع العموم مشكور ع تواجدك

موضوع: رد: شرايكم؟؟ الإثنين أغسطس 11, 2008 5:16 pm

انا رجعت مره ثانيةو المشكلة حتى لو حبيتي وكنتي صادقة وهو بعد صادق معاج
وماتبين زواج تقليدي واللي صار صار
بس كل واحد فينا انولد وشريك حياته مكتوب له يعني حبج وتعبج وتفكيرج بيروح عالفاضي فالمفروض كل وحده منا تنتظر نصيبها وتدعي ان ربي يسخره لها ويكون لها سند والحلال احسن واريح ومحد ياخذ غير نصيبه
تقبلي مروري الثاني :كثير اللي يخون الود

موضوع: رد: شرايكم؟؟ الأربعاء أغسطس 13, 2008 5:38 am

مس لونلي كلام اختي كثير هاي اللي اقصده وان شاء الله تكون وصلت لج المعلومه

موضوع: رد: شرايكم؟؟ الأربعاء أغسطس 13, 2008 5:58 am

تـسلميـن مس لونلي على موضوعج الجرئ

آنا من وجهه نظري آني إذا كنت مع علآقه مع بنت
وكآنت علآقتنا جديه مبنيه على حب وآحترآم
مآفي مآنع في المستقبل أني أتزوجها
إذا كنت واثق فيها وأعرفها وأعرق أصلها
ماراح كون عندي ي مانع
وأهم شي ان يكون في ثقه وأحترام بينا

تقبلي مساهمتي

موضوع: رد: شرايكم؟؟ الأربعاء أغسطس 13, 2008 6:33 am

مشآء الله آختي موضوعج وايد حلو وجرئ

ومن وجهه نظري آِوف

آن البنت تحفظ سمعه آهلهآ ولآ تكلم آي شآب على حساب سمعتها وسمعه آهلها
وتتورط في موضوع لا اله اول ولا له تآلي

تقبلي رآيي